近年電腦節，Notebook清貨幾乎是傳統習俗，每當新規格推出，舊規格自然成為劈價對象，今屆電腦節都唔例外，而且連新機都一同加入劈價潮，想知啲Notebook Netbook有幾平，就千祈咪錯過。

Notebook新舊機齊劈價
上個禮拜才落幕的電腦節，Notebook產品可以話係劈價重點，除咗照慣例出售舊規格型號外，重頭戲還要數Core i3新機同場劈價速銷，令鬥價風氣變得更激烈。至於這次鬥價主角分別係Lenovo、Acer及Hasee等品牌，價格平均比電腦節前再低$500至$1,000，若以上代Pentium Dual Core 14吋機種為例，最平約$3,000就有交易，同時Core i3 / Pentium P6000機種亦僅需$3,600至$4,500左右，因此唔少買家都睇準時機，選購規格較新的款式。

Netbook減價見底！？
隨著Netbook已被CULV侵佔市場，唔少人都認為Netbook會係今屆電腦節劈價重點項目，但電腦節期間卻見到情況不如預期，Netbook價格只係有輕微下調，而且多數都屬於Atom N450 / N470等新規格，舊款的Atom N270款式甚至「下落不明」，令到唔少想買超平價Netbook的朋友大失所望。至於電腦節時的Netbook價格，平均約$1,800至$2,500之內，而且多數已預載Windows XP，毋須額外安裝作業系統，因此要求唔高的消費者都會考慮Netbook。